VISITA AOS VIVEIROS DE SAN FRANCISCO

     O pasado mércores, 30 de xaneiro, os nenos e nenas de infantil e de 1º e 2º de primaria fumos a Vigo, a visitar os Viveiros de San Francisco. 

Unha vez alí, o primeiro que fixemos foi tomar a nosa merenda. Despois da "longa" viaxe no bus tiñamos todos/as moita fame!!!!

     Despois da merenda puxémonos mans á obra. Coñecimos o moito que traballan no centro e ensináronnos o resultado do seu traballo. Quedamos abraiados co tamaño das follas da coliflor, son case tan grandes coma nós!!!!

    Tamén nos ensinaron a plantar sementes e como coidalas para que crezan. Botamos terra, diferentes sementes, regamos...Foi unha experiencia moi divertida!!!!

     Tamén tivemos a oportunidade de plantar no invernadeiro...

    E, finalmente, pasamos un ratiño moi divertido cos debuxos que nos tiñan preparados...

     Foi un día moi especial no que coñecimos a xente marabillosa que nos ensinaron moitísimas cousas. 
Moitas grazas a todos/as polo voso tempo e polo agasallo , prometemos poñer en práctica todo o aprendido!!!
GRAZAS!!!!!

Festival Nadal 2018

Moi nerviosos e nerviosas porque pronto estaremos de vacacións, quixemos despedirnos do ano facendo un festival no que nos esforzamos moito. Picade nos enlaces e veredes que ben actuamos!

Infantil: Volver a casa por Nadal

Panxoliña: Allá por un camino 1º e 2º de primaria

3º de primaria: Manolo

 Acrosport. Piratas do Caribe 5º e 6º de primaria

4º de primaria: Tamborilero

Canción "Me lo pido todo"  5º de primaria

Obra de teatro do alumnado de 6º de primaria

E por último tivemos unha enorme sorpresa coa visita dos Reis Magos aos que lles entregamos as nosas cartas cheas de peticións porque nos portamos moi ben este ano!!

Celebramos o Magosto

O pasado venres comemos unhas deliciosas castañas feitas nun treneciño. Aquí podedes ver algunhas fotos do moito que comemos:

 Despois xogamos en equipos a diferentes xogos tradicionais. Mirade que ben o pasamos!