Voltamos ao cole e... Adeviñade! Atopamos un feixe de agasallos na nosa árbore de nadal! Non sabemos se foi Papá Noel, os Reis Magos ou o Apalpador, pero nos encantaron. Vaia sorpresa que levamos!
Abrímolos axiña... e en seguida quixemos probar todos os xoguetes. Algúns son de lóxica, outros de equilibrio, xogos dinámicos e tamén xogos de mesa xigantes, pero todos, todiños, son para compartir e disfrutar. Ímolos coidar moi ben para que nos duren moooitos anos!
Despedímonos do 2019 co noso fabuloso Festival de Nadal. Temos un cole cheo de artistas, mirade!
O alumnado de Infantil interpretou esta bonita e divertida panxoliña teatralizada chamada "Buscando a Papá Noel na árbore de nadal". Atoparíanno?
A festa continuou da man do alumnado de 1º e 2º coa interpretación dunha versión en galego do famoso tema "O bla di, o bla da" dos Beatles. Moi orixinal!
Cando empezamos coas panxoliñas xa non hai quen nos pare. O alumnado de 3º agasallounos tocando e cantando "A Belén quero marchar". Bravo!
Tamén o alumnado de 4º quixo aportar o seu bofacer musical e prepararon una panxoliña.. en inglés! É o coñecido tema "Last Christmas". Quedou estupenda coa súa dramatización, non vos parece?
E para cambiar un pouco, o alumnado de 5º preparou con moito agarimo e moito traballo unha divertida obra de teatro titulada "Deixa de roncar". Seica o Apalpador ten un pequeno problemiña… Queredes descubrilo?
Tamén nos mostraron as súas habilidades e destrezas colaborativas cunha dinámica mostra de Acrosport. Increíble!
E por último chega o alumnado de 6º!! Tiñan moita ilusión, xa que se despiden este ano do cole, polo que foron os elexidos para presentar o festival. Ademáis, representaron unha divertida obra de creación propia chamada "O Congreso de Nadal" na que nos contan que "outro nadal é posible".
E como non, fixeron tamén a xa tradicional mostra de Acrosport. Bo traballo!
Como cada ano, o festival foi todo un éxito! Os aplausos foron merecidos, polo esforzo demostrado, e os sorrisos foron moitos tamén. Saímos moi contentos tanto o alumnado, o profesorado coma as familias. Gracias a todos!
Para despedirnos quixemos cantar unha última panxoliña tod@s xunt@s, e así despedimos tamén esta entrada no noso blog, co fermoso "Tiru Lariru" interpretado por todo o alumnado de Infantil e Primaria.
E como di a letra: "Hoxe aquí en Fornelos, queremos cantar, todos xuntos unidos, que viva o nadal!"
Este ano no cole adiantamos as campanadas!! Para celebrar o noso fin de ano especial todos os nenos e nenas, mestres e mestras vestímonos coas nosas mellores galas, tomamos as uvas ó ritmo das campanadas e para rematar a festa tomamos chocolate e rosca. Que ben o pasamos!!
Ademáis tiñamos photocall, polo que pasaron algúns dos alumnos e alumnas.
O mércores todos os nenos e todas as nenas do cole fumos de saída a Pontevedra.
Os máis pequenos e pequenas do cole foron ver a obra de teatro "A nena, o grilo e máis aló" pero antes de nada, pasamos polo parque a xogar, investigar e sobretodo...almorzar!!
Ao rematar, marchamos cara o teatro, sentamos nunhas butacas moi cómodas e disfrutamos dunha obra moi chula!! Incluso tiña música!!
Por outra banda, os máis maiores do cole tamén fixeron a súa parada de ocio no parque novo de Campolongo. Disfrutaron la tirolina, do tobogán xigante e pasaron un rato moi divertido.
Despois marchamos ao Café Moderno onde participamos nun obradoiro de Arte Contemporánea por equipos
Traballamos entre todos e todas e expusimos as nosas obras
