Traballos de reciclaxe

Este ano en inglés, tamén traballamos co proxecta "Fornelízate coa reciclaxe"...Aprendemos un montón de vocabulario!!

Os nenos e  as nenas de primeiro ciclo utilizamos o papel reciclado para elaborar a nosa árbore cos versos dun poema de María Victoria Moreno. Reciclamos e reutilizamos!! Obxectivo cumprido!!

As nenas e os nenos de Educación Infantil, na clase de estimulación da linguaxe, fixemos uns xogos con material reciclado (xornais, revistas, botellas de plástico...) para practicar o sopro. Pasámolo moi ben! Aquí vos deixamos fotos de como fixemos e sopramos:

Visita a Sogama e Santiago de Compostela

O pasado martes fomos coñecer Sogama. Aprendemos moito sobre como axudar ao medio ambiente seguindo os 3R: "Reducir", "Reciclar" e "Reutilizar", e explicáronnos as instalacións.

Leváronnos a ver a zona de tratamento dos residuos moi ben equipados:

Vimos ao pulpo e outras máquinas en funcionamento:

Para calmar a nosa fame, comemos nun parque moi acolledor preto dun río.

Seguidamente montamos no autobús cara o  próximo destino: Santiago de Compostela. Para algúns de nós, era a primeira vez que mirabamos a Catedral. No seu interior abrazamos ao Apóstolo e vimos a súa tumba.

Por último, paseamos polas principais prazas antes de voltar ao cole. Pasámolo xenial!

Reforestando con landras

Desde o cole estamos colaborando coa reforestación dos montes. Coa axuda do garda forestal, estivemos plantando landras en bricks que os nenos e nenas trouxeron das súas casas. Ata a primavera estaremos coidando das nosas sementes e observaremos o seu crecemento. Máis adiante transplantarémolas aos montes da zona.