Reciclando o Entroido

Este ano continuando o proxecto de reciclaxe que temos no cole, decidimos elaborar disfraces que fosen coidadosos co noso planeta. Quixemos non mercar material novo, utilizar elementos de refugallo e botar man do que xa tiñamos pola casa ou polo cole.
As nenas e nenos de infantil fomos de robots, 1º,2º e 4º, escollemos ir de agasallos, 3º decidiu disfrazarse coa regra dos tres erres, e 5º e 6º vestíronse de cubo de Rubik.
Aquí podedes ver as imaxes do ben que o pasamos!

2ª XORNADA DO XOGADE

XOGAMOS CO CEIP MANUEL CORDO BOULLOSA

O pasado martes tivemos a visita dos nenos e nenas do CEIP Manuel Cordo Boullosa.

Nesta xornada xogamos a baloncesto, balonmán, fútbol sala e xadrez.

Ademáis de adquirir moitos dos valores que transmite o deporte como o respecto aos compañeiros e rivais, o xogo limpo ou o traballo en equipo, merendamos conxuntamente como unha gran familia e sobre todo pasámolo moi ben!

Aquí vos deixamos algunha mostra desta xornada.

Día da Paz

Este ano traballamos moito para celebrar este día. Entre todos e todas fixemos cadeas de pombas. Había de todas as cores, de diferentes materiais e con diversas mensaxes. Quedáronnos moi bonitas!

Seguidamente escoitamos un fermoso conto sobre a vida de Wangari Maathai representado pola clase de 5 anos. Se pinchades no enlace podédelo ver. Temos uns futuros actores e actrices de primeira!

 

 Para descansar e relaxarse un pouco, tomamos un delicioso chocolate feito polas nosas cociñeiras.

Para rematar o día, tivemos una gran sorpresa: A actuación do grupo Mbolo Mooye na que aprendemos a tocar instrumentos de percusión africanos e cantamos e bailamos cancións de diferentes culturas. Pasámolo xenial!!