6º DESPÍDESE DO COLE

Despois de moitos anos xuntos e xuntas no cole, compartindo camiño, chega o momento de despedir ao alumnado de 6º.

Este ano está sendo un fin de curso extraño e excepcional, e a clase de 6º non quería marchar sen compartir o seu cariño nunha despedida moi especial! Vai este agasallo sorpresa para todo o cole!!!

Esperamos que vos guste!

OS VOSOS RECUNCHOS FAVORITOS

Xa chegou o último día de cole!!!

E pra despedirnos quero compartir por aquí unha pequena sorpresa...

OS VOSOS RECUNCHOS FAVORITOS DE FORNELOS

Gracias a todos e a todas por participar!

Fornelos está cheo de recunchos marabillosos! 

"Se cuida lo que se ama, 

y se ama lo que se conoce"

Coñecede, amade e coidade a vosa terriña.

BO VERÁN!

FORNELOS: O TEU RECUNCHO FAVORITO

Bos e marabillosos días! 

Mirade como medraron as nosas landras! 

Temos un feixe de mini carballos agardando por nós no viveiro do cole!!!

Fermoso, verdade?

Pois antes de despedirnos do curso temos unha proposta:


ACTIVIDADE PARA TODO O COLE

Queremos xuntar FOTOS de cada unha das 7 PARROQUIAS de Fornelos para poñer en valor o patrimonio natural desta paraxe increible que nos rodea. Imos!

VISITA A LOURIZÁN

O pasado 11 de Marzo todo o cole visitamos  o Pazo de Lourizán en Marín, o cal actualmente,  conta cun centro de investigación forestal.

Fixemos un percorrido case completo polos seus xardíns, por un lado, Educación Intantil máis 1º e 2º de primaria visitaron os xardíns, covas e a gran mesa de pedra de Montero Ríos.

Mentres tanto, os maiores e as maiores de Educación Primaria visitamos os invernadoiros de Lourizán, os seus xardíns e incluso ensináronnos a plantar una planta sen semilla, só co seu propio talo. Foi moi interesante!

NA CASA

Bos días!

Os vosos titores e titoras así coma demais mestres do cole, agardamos que estedes tendo uns días agradables e que se vos estén pasando axiña.

Para facelo máis doado, deixámosbos unha plantilla que podedes ben imprimir e cubrir ou escribir nunha libreta para facer un diario sobre como estades levando estes días.

Recordámosvos que na publicación anterior tendes instruccións e recomendacións para pasar estes días e que na páxina web do cole, tendes todos os blogues nos que se colgarán actividades e recomendacións para estes días na esquina da dereita.
Deixámosvos un enlace para acceder á páxina (pinchade enriba dela e xa vos levará):

http://www.edu.xunta.gal/centros/ceipdoutorsuarez/

Unha aperta a todos! Vémonos moi prontiño!

Dende o Ceip Doutor Suárez sumámonos ás recomendacións da Xunta e queremos compartir a través do noso blogue algunhas recomendacións para traballar dende casa estes días.

- Repasar os contidos traballados ata o de agora.
- Repasar as táboas de multiplicar.
- Ler algún libro
- Ver películas axeitadas.
- Compartir tempo e conversas coa familia.
- Aprender xogos novos.
- Actividades creativas: debuxar, escoitar música...
- Inventar historias.
- Escribir un diario.
- Facer entrevistas.

Ademáis, cada titoría marcou as súas instrucións que deberán ser seguidas polo alumnado na medida do posible.

Animámosvos a deixar os comentarios que consideredes a través deste blogue (consultas, dúbidas...).

Agardamos volver á normalidade o antes posible e con moitas ganas de retomar todos os proxectos e actividades nas que estamos inmersos.

XOGADE CEIP DOUTOR SUÁREZ - CEIP CORDO BOULLOSA

Este ano inauguramos as xornadas do deporte escolar entre colexios coa visita do Ceip Cordo Boullosa.

Nesta xornada fixemos deportes alternativos como lacrosse, floorball, datchball e xogos de mesa ademais de eliminar a competición ó xogar xuntos/as no mesmo equipo nenos e nenas de ambos colexios, o que favoreceu as relacións sociais entre todos e todas os alumnos e alumnas.

Estas son algunhas das mostras do ben que o pasamos:

LACROSSE

FLOORBALL

DATCHBALL

XOGOS DE MESA

Ademais tivemos uns animadores de luxo que o deron todo:

ENTROIDO

Este ano a nosa particular festa de entroido foi inspirada no noso PDI do centro "A volta ao mundo de Willy Fog".

Cada clase disfrazouse do país no que leva traballando dende principio de curso, aproveitando dita ocasión para investigar e descubrir particularidades de cada país.

Fixemos os disfraces durante esas semanas e o venres 21 preparámonos para o noso desfile pola plaza e unha pequena exhibición no patio do celexio.

Os nenos e as nenas de Educación Infantil foron de "Garda Real" de Londres. Desfilaron cos seus traxes e grandes gorros cunha caminata propia dos soldadon londinenes. Estaban xeniales!!

Os nenos e as nenas de 1º e 2º puxéronnos a todos a bailar co seu "rap exipcio". Momias, faraóns e exipcias... Que ven exhibiron Exipto! Noraboa clase!

Por outra banda, os nenos e as nenas de 3º trouxeron un pouco de "calma" co seu desfile de meditación. Traxes laranxas, budas... Os monxes budistas de 3º exhibiron unha parte moi peculiar do seu país, India!! Xeniales!

Os nenos de 4º trouxéronnos a parte máis divertida do seu país...China!! Con moito color, beizos vermellos, moños e gorros chinenes...Estaban guapísimos!

Con 5º nos desprazamos ao país veciño...Xapón! Neste caso había samurais con dragones de cores, e o popular gato da sorte xaponés, movendo a súa patiña e exhibindo dous elementos propios de Xapón. Estaban xeniales!

Os nenos a as nenas máis maiores exhibiron un dos elementos máis representativos de Estados Unidos. Cunha antorcha, un libro, unha coroa e unha túnica, trouxéronnos a Estatua da Liberdade a Fornelos! Estaban guapísimos!!

CAMPIONATO PROVINCIAL DE CAMPO A TRAVÉS

O pasado sábado 1 de febreiro celebrouse en Vigo o Campionato Provincial de Campo a través.

O CEIP Doutor Suárez tiña dúas grandes corredoras clasificadas para ir a ese campionato por quedar entre as 10 mellores da súa categoría na carreira dos colexios de Terra de Montes, Dunia e Nuria de 5º de primaria.

Por sorte poidemos contar coa representación de NURIA nese campionato provincial. 

Aínda que a carreira foi dura foi unha gran experiencia para ela e unha gran emoción para nós e para a súa familia que participase.

Noraboa Nuria!!

Día da Escolar da Non Violencia e da Paz

Coma todos os anos, no noso cole celebramos o Día da Paz xa que entendemos que debemos saber vivir e convivir con todas as persoas que están ao noso redor.

Nesta edición, xuntámonos todos e todas as nenas e mestres do cole no ximnasio onde fixemos unha versión da canción Imagine de John Lennon con mensaxes de paz e pouco despois cantamos e bailamos a canción de All you need is love que preparamos coas mestras de Inglés e múscia.
Fixémolo xenial!!

A continuación disfrutamos dunha xornada de convivencia e lecer a través de diferentes obradoiros que prepararon as mestras e mestres.

Fixemos mandalas, grafitis, lecturas e cociñamos galletas. 

Obradoiro de grafitis

          

Obradoiro de cociña

Obradoiro de mandalas

Obradoiro de lectura