O MAGOSTO

CHEGOU O MAGOSTO!!

 Un ano máis, no CEIP Doutor Suárez celebramos o tradicional magosto, unha xornada de convivencia na que non faltaron as castañas, as cancións, os xogos tradicionais galegos e por suposto as risas.

Comezamos merendando unhas castañas ben ricas:

A continuación, os nenos e nenas de infantil, 1º, 2º, 3º e 4º cantaron a canción "As castañas do magosto" mentras os de 5º e 6º ademáis de cantar fixeron o acompañamento instrumental xunto coa profe de música que tocaba o acordeón.

Foi unha actuación increíble!!

Por último, para clausurar a xornada, fomos ó ximnasio a xogar aos xogos tradicionais que tanto nos gustan.

Pasámolo xenial!!

25 DE NOVEMBRO

DÍA INTERNACIONAL CONTRA A VIOLENCIA DE XÉNERO

Contra a violencia de xénero que sufren tantas mulleres, no CEIP Doutor Suárez decidimos abrir unha "Porta violeta" como expresou Rozalén, para liberarnos desta lacra social que nos persegue.

Os nenos e as nenas de infantil realizaron un lazo coas súas mans

Os nenos e nenas de primaria realizaron diferentes actividades:

-Puerta violeta e consellos na porta do ximnasio

 Os nenos e as nenas de 5º realizaron unha historia e un vídeo tras traballar coa canción 

DÍA INTERNACIONAL DOS DEREITOS DOS NENOS E DAS NENAS

O 20 de Novembro celébrase o Día Internacional dos Dereitos dos Nenos e das Nenas...
No noso cole, traballamos esos dereitos que moitos nenos e moitas nenas do mundo aínda non teñen: dereito a un nome; a ir a escola; a unha sanidade ou incluso dereito a ser eles e elas mesmas.

Cada clase plasmou nun globo de cores o dereito que quería reivindicar para todos os nenos a todas as nenas do mundo para posteriormente, pegalos nun mural que decora as escaleiras principais do cole.


  

SEMENTE VIVA

Presentámosvos un dos proxectos deste ano: Semente Viva. 

Empezamos creando un viveiro forestal onde medrarán especies arbóreas autóctonas, como carballos ou castiñeiros. Para iso formamos un marabilloso equipo, onde cada un aporta o seu grao de area. Mirade como foi o proceso:

O Concello de Fornelos tróuxonos as madeiras coas que construimos as sementeiras.

O alumnado de 6º mediunas e aproveitaron para practicar contidos matemáticos coas estruturas. Disfrutaron moito ese día!

Algunhas familias botaron unha man na construción das sementeiras. Tamén aportaron moita enerxía e ideas a este lindo proxecto.  Mirade que bonitas quedaron!

O axente forestal Manuel Ogando tróuxonos terra e un feixe de propostas para facer o resto do ano.

E hoxeee... despois de moitos días de chuvia…. puidemos saír a recoller sementes, por fin!

O profesorado e máis todo o alumnado collimos unha morea de landras, e xa de paso deixamos un pouco máis limpo de lixo o noso monte. Tod@s podemos mellorar o noso entorno!

 Botamos as landras nun caldeiro con auga, as boas afundiron, e as que estaban en mal estado (baleiras por dentro) flotaron na superficie. Así seleccionamos as mellores sementes!

E por último plantámolas nas sementeiras!

Formamos un bo equipo, verdade? Cando colaboramos xunt@s conseguimos o que queremos.

Moitas gracias a todas e a todos!

CELEBRAMOS O SAMAÍN

Como cada ano, o Samaín forma parte das nosas celebracións do cole. Esta vez fixémolo o xoves 30 cunha xornada de talleres de maquillaxe, pelis de medo e outras actividades.

Durante esa semana, decoramos o cole con vasoiras feitas polos nenos e as nenas e as súas familias. Deixaron o cole terroríficamente bonito!

Durante a mañá pasamos polos talleres de maquillaxe e despois fumos ó salón de actos xa que os compañeiros e compañeiras de 6º e o director Suso, tíñannos unha obra de teatro! 

Pasámolo xenial e disfrutamos moito....só había que ver as nosas caras!

Ao rematar a obra subimos ó escenario a cantar a canción de Halloween que nos ensinou a profe Ana en inglés. 

E para rematar, disfrutamos dunha sesión de cine de medo! con entradas e todo!

ATA O ANO QUE VEN SAMAÍN!